滋心話集
小白自述， 風信子行動1社工代筆
以為可以儲錢返學，以為可以放下工作，以為可以白頭到老，其實好多事情，都係自己太過樂觀，想法太過簡單。
講到返夜校，真係有啲唔好意思，因為自己的拖延，不知不覺就過了收生時間。當再次燃起讀書的心時，已經為時已晚。點解會拖？可能係自己想法太多吧。有時候想辭職返學，但又唔捨得平時玩得親密的同事。其中有一個男仔，仲話鐘意我，唔介意我有個BB。於是，返工就變得不再煩悶，並且充滿甜蜜的小互動。一下子就這樣被兒女私情沖昏了頭腦，所有讀書、前途等等全部都被拋在腦後。
而同事的追求確實讓我原本的生活亂了陣腳。男朋友開始變得懷疑、不安，兩個人的關係開始變得親疏不定。而這個階段，仔仔就成為了我的定心丸。愛情的事情太複雜，問我愛邊一個男仔，我真係不知道如何回答，但唯獨清晰的事情是，我愛我的仔仔，只有我同仔仔的關係是永遠不會改變的。
仔仔明年就可以排K1了，為了仔仔可以接受到好的教育，我開始著手轉工的事情，陸陸續續都在遞信，希望可以揾到一份工作時間穩定而且薪金滿意的工作。
回首這年，有好多猶豫不定的徘徊，不知何去何從的迷茫，但不缺前行的壓力與動力。
----------------------------------------------------------------------------------------------------------------------------------------------------------------
註1: 年輕媽媽支援及發展服務
修訂日期: